საკვანძო სიტყვები
თიხა-ასკანე
ნატრიუმის ალგინატი
თიხა- პოლიმერული ჰიბრიდი
როგორ უნდა ციტირება
ანოტაცია
ბენტონიტური თიხები ფართოდ გამოიყენება წამლის მიწოდების სისტემების დიზაინში მათთვის დამახასიათებელი ისეთი უნიკალური თვისებების გამო, როგორიცაა ადსორბირებისა და გაჯირჯვების უნარი, ბიოთავსებადობა. პოლიმერების კომბინაცია თიხის ნაწილაკებთან საგრძნობლად აუმჯობესებს მათ მექანიკურ და ფიზიკურ თვისებებს, წამლის ინკაფსულაციის ხარისხს და კონტროლირებადი გამოთავისუფლების უნარს. ი. ქუთათელაძის ფარმაკოქიმიის ინსტიტუტის კვლევის ერთ-ერთი პრიორიტეტული მიმართულებაა ქართული ბენტონიტური თიხის გამოყენების პოტენციალის გაფართოება ფარმაციაში, მედიცინაში, ვეტერინარიასა და კოსმეტოლოგიაში. ასკანას საბადოს თიხისგან (ოზურგეთის რაიონი, საქართველო) მიღებულ პრეპარატ თიხა ასკანეს საფუძველზე ინსტიტუტის მიერ მოწოდებულია რბილი წამლის ფორმები და მშრალი მალამოები. წარმოდგენილი კვლევის მიზანი იყო თიხა ასკანის, როგორც სუბსტრატის გამოყენების შესაძლებლობის შესწავლა ნატრიუმის ალგინატთან (ნა) ჰიბრიდული მასალის მისაღებად და მის საფუძველზე ჰიდროგელის შემუშავება და დახასიათება. შეირჩა თიხა ასკანე / ნა ჰიბრიდის ოპტიმალური რეცეპტურა და მასში ინკორორირებული იქნა ნიტროფურაზონი, როგორც მოდელური წამალი. ნიმუშები ხასიათდებოდა FTIR სპექტრების, მორფოლოგიის, სიბლანტის, pH-ის, ჰომოგენურობის შესწავლით. ნიტროფურაზონის შემცველობა ისაზღვრებოდა. დადგინდა, რომ თიხა-ასკანეს და ნა-ს ინფრაწითელი სპექტრები ჰიბრიდულ მასალაში თითქმის იდენტურია რაც იმის მაჩვენებელია, რომ კომპონენტები ერთმანეთთან ქიმიურად არ არის დაკავშირებული და წარმოადგენს მხოლოდ ფიზიკურ ნარევს. ნიმუშების ერთგვაროვნების შეფასება ჩატარდა მიკროსკოპული ანალიზით. დადგინდა, რომ ჰიბრიდულ მასალაში თიხა ასკანეს და ნა -ის ოპტიმალური თანაფარდობა იყო 3:1 (w/w). მიღებული შედეგების თანახმად საქართველოს ბენტონიტური თიხა - პრეპარატი თიხა ასკანე შეიძლება წარმატებით გამოყენებული იყოს თიხა/პოლიმერის შემცველი ჰიბრიდული მასალის მისაღებად, რომლის საფუძველზეც შესაძლებელია შემუშავდეს წამლის მიწოდების თანამედროვე სისტემები. მიმდინარეობს შემდგომი კვლევები თიხა ასკანესა და სხვადასხვა პოლიმერების კომბინირებით ჰიბრიდული მასალის შემუშავებისთვის.
წყაროები
Behera, K.P., Qureshi, D., Mohanty, B., et al. Bentonite increases the corneal permeation of the drug from the tamarind gum hydrogels. Food, Medical, and Environmental Applications of Polysaccharides, 2021: 291-322.
Meirelles, LMA., Raffin, FN. Clay and Polymer-Based Composites Applied to Drug Release: A Scientific and Technological Prospection. J Pharm Pharm Sci. 2017;20(0):115-134. doi: 10.18433/J3R617.
Sangeetha, K., Angelin Vinodhini, P., Sudha, P.N. Clay Based Biopolymer Nanocomposites and Their Applications in Environmental and Biomedical Fields. In: Inamuddin, Thomas, S., Kumar Mishra, R., Asiri, A. (eds) Sustainable Polymer Composites and Nanocomposites. Springer, Cham. 2019.
Kutateladze I.G. Tikha-ascane for medical purpose. "Gruzmedgiz". Tbilisi. 1955: 39 (in Russian).
Tsiklauri L, Dadeshidze I, Tsagareishvili G. Study of the Stability and Specific Activity of the Emulsion Containing Sea-Buckthorn (Hippophae rhamnoides L.) Oil and Ticha - Ascanae. Bulletin of the Georgian Academy of Sciences. 1998; 157(2):251-253
Iliescu, R. I., Andronescu, E., Ghitulica, C. D., Voicu, G., et al. Montmorillonite–alginate nanocomposite as a drug delivery system – incorporation and in vitro release of irinotecan. International Journal of Pharmaceutics.2014, 463(2), 184–192.
Nitrofurazone Ointment, p. 4571-4572; USP 38,-NF 33, 2015.
Christian, W., Zainab, B., Tian, K., & Abichou, T. Effect of specimen preparation on the swell index of bentonite-polymer GCLs. Geotextiles and Geomembranes. 2020, 48(6):875-885.
Tsiklauri L., Getia M, Bakuridze A. Physicochemical characteristics of fresh and lyophilized Georgian royal jelly and Formulation bentonite-based cream. Georgian Scientists. 2022, 4(5):164-174.
He, Y., Wu, Z., Tu, L., Han, Y., Zhang, G., & Li, C. Encapsulation and characterization of slow-release microbial fertilizer from the composites of bentonite and alginate. Applied Clay Science. 2015, 109-110: 68–75. doi:10.1016/j.clay.2015.02.001
Kianfari F, Dempster NM, Gaskell EE, Roberts M, Hutcheon GA. Lyophilised Biopolymer-Clay Hydrogels for Drug Delivery. Madridge J Nov Drug Res. 2017; 1(1): 1-9. doi: 10.18689/mjndr-1000101
World Health Organization et al. Antimicrobial resistance and primary health care: brief. – World Health Organization, 2018. – №. WHO/HIS/SDS/2018.57
Zhuge L., Wang Y., Wu S., at al Furazolidone treatment for Helicobacter Pylori infection: A systematic review and meta-analysis. Helicobacter. 2014, 20 (2):35 – 37
ეს ნამუშევარი ლიცენზირებულია Creative Commons Attribution-NonCommercial-NoDerivatives 4.0 საერთაშორისო ლიცენზიით .