საკვანძო სიტყვები
Allium
მიკროსტრუქტურა
როგორ უნდა ციტირება
ანოტაცია
კვლევის მიზანია საქართველოში გავრცელებული Allium ponticum Micscz ex Grossh.-ის გენერაციული და ვეგეტატიური ორგანოების მაკრო- და მიკროსტრუქტურული თავისებურებების შესწავლის საფუძველზე სადიაგნოსტიკო მახასიათებლების დადგენა. A. ponticum-ის ფოთლის ორმხრივი მფარავი ქსოვილის სტრუქტურა ერთმანეთის იდენტურია; ეპიდერმისის ფუძემდებარე უჯრედების შევიწროვებულ კიდეზე კონცენტრირებულია პარაციტული ტიპის ბაგის აპარატი; ჭურჭელბოჭკოვანი გამტარი კონები კოლატერალური ტიპის. ღეროს მფარავი ქსოვილი კუტინიზირებული; ეპიდერმისი ერთ რიგიანი; ეპიდერმულ უჯრედთა გარე პერიკლინური კედელი მძლავრად გარსგასქელებული. ყვავილედი მრგვალი, ნახევარსფეროსებრი, ხშირ-ყვავილიანი ქოლგა. გაგანიერებული სამტვრე ძაფის (შიდა ფურცლის) ეპიდერმისის ფუძემდებარე უჯრედები ხასიათდებიან სიგრძეზე წაგრძელებული, სწორხაზოვანი, პერიკლინარული კედლების სწორი ან ირიბი დახრით. ბოლქვი კარგად განვითარებული; თავისუფალი; სფერულ-ოვალური ფორმის; გარსი ტყავისებრი. ბოლქვის განივი ჭრილის ტექსტურის პანორამაზე, ბაზიპეტალური მიმართულებით, გამოიკვეთა ფუნჯა ფესვების დიფერენცირების ტენდენცია;
წყაროები
Allium L. in GBIF Secretariat (2021). GBIF Backbone Taxonomy. Checklist dataset https://doi.org/10.15468/39omei accessed via GBIF.org
R. Gagnidze, Vascular Plants of Georgia a nomenclatural Checklist, Institute of Botany. Tbilisi, Republic of Georgia, 2005.
საქართველოს ფლორა - ტ.XVI, 2011, გვ.192
А.А. Гроссгейм – Т.II, Изд.АзФАН Баку 1940; ст.118
Н.А. Анели -Атлас эпидермы листа; Изд.“Мецниереба“ 1975, ст.36
ეს ნამუშევარი ლიცენზირებულია Creative Commons Attribution-NonCommercial-NoDerivatives 4.0 საერთაშორისო ლიცენზიით .