საკვანძო სიტყვები
შარდის ბუშტის სიმსივნე
უცხო სხეული
იატროგენული დაზიანება
როგორ უნდა ციტირება
ანოტაცია
ბარძაყის ენდოპროთეზირების ოპერაცია მენჯ-ბარძაყის სახსრის მრავალი პრობლემის მკურნალობის აღიარებული და ეფექტური მეთოდია. მიუხედავად სიიშვიათისა, ბარძაყის ენდოპროთეზირების შარდის ბუშტისმხრივმა გართულებებმა შესაძლოა რიგი პრობლემები შეუქმნას როგორც პაციენტის პოსტოპერაციულ კომფორტსა და საერთო რეაბილიტაციას, ისე საკუთრივ საშარდე სისტემას. მიუხედავად იმისა, რომ ენდოპროთეზირების შემდეგ შარდის ბუშტის იატროგენული დაზიანებების ფაქტები საკმაოდ იშვიათია, ლიტერატურაში მოიძებნება რამდენიმე კლინიკური შემთხვევა. ჩვენი სტატია აღწერს 65 წლის მამაკაცის კლინიკურ შემთხვევას, რომელსაც დროებითი საფიქსაციო მოწყობილობების ევაკუაციის ხანგრძლივი დაგვიანების გამო განუვითარდა ამ უკანასკნელთა მიგრაცია შარდის ბუშტის ღრუსა და სწორი ნაწლავის კედელში, შარდის ბუშტის პერფორაციითა და მოგვიანებით შარდის ბუშტის ავთვისებიანი სიმსივნის განვითარებით. პაციენტს ჩაუტარდა შარდის ბუშტის მარცხენა კედლის რეზექციისა და საფიქსაციო ჩხირების მოცილების ოპერაცია ბარძაყისა და მენჯისმხრივი მიდგომით. ყველა საფიქსაციო მოწყობილობის ევაკუაცია და შარდის ბუშტის რეზექცია განხორციელდა სწორი ნაწლავის დაზიანების გარეშე. აგრეთვე, თეძოს ლიმფური კვანძები ამოიკვეთა ერთ ბლოკად. პოსტოპერაციულმა პერიოდმა ჩაიარა გართულებების გარეშე. საკონტროლო გამოკვლევებისას პაციენტის ზოგადი მდგომარეობა და მოშარდვის აქტი აღმოჩნდა დამაკმაყოფილებელი. მიგვაჩნია, რომ ზემოთ აღწერილი შემთხვევა საინტერესოა როგორც თეორიული, ისე პრაქტიკული თვალსაზრისით, რამდენადაც ისეთი ჩარევის დროს, როგორიცაა ბარძაყის ენდოპროთეზირება, საკმაოდ იშვიათია ისეთი იატროგენული გართულებები, როგორიცაა უცხო სხეულის (ამ შემთხვევაში, ოპერაციული მასალის) მიგრაცია და პერფორაცია მიმდებარე ანატომიურ სტრუქტურებში. მნიშვნელოვანია, რომ პათოლოგიათა და ამ უკანასკნელთა გართულებათა სიმრავლის მიუხედავად, მოხდა დიაგნოზის სწორად დასმა და ინტერვენცია, რომლის საფუძველზეც მიღწეულ-იქნა რემისია და ჩივილების სრულყოფილი აღმოფხვრა.
წყაროები
Cumberbatch, M. G., et al. (2020). Updated EAU Guidelines on Muscle-Invasive and Metastatic Bladder Cancer.
Häcker A, Uysal Z, Badawi K, Langbein S, Kamp S, Hatzinger M, Alken P, Michel MS, Freudenberg S. Ein Corpus alienum in der Harnblase nach gefässchirurgischem Eingriff [Foreign body in the urinary bladder after vascular surgery]. Aktuelle Urol. 2005 Jun;36(3):249-51. German. doi: 10.1055/s-2004-830174. PMID: 16001342.
National Institute for Health and Care Excellence (NICE). Urinary tract infection in under 16s: diagnosis and management. Published August 2020. Accessed July 12, 2023. https://www.nice.org.uk/guidance/NG109
Phan YC, Eli N, Pillai P, O'Dair J. A rare presentation of haematuria: hip prosthesis in the bladder. BMJ Case Rep. 2018 Mar 22;2018:bcr2017222831. doi: 10.1136/bcr-2017-222831. PMID: 29572365; PMCID: PMC5878411.
Pirvu A, Ducos C, Sessa C, Magne JL. Unusual foreign body in urinary bladder due to vascular surgery intervention. Urology. 2013 Feb;81(2):e11-2. doi: 10.1016/j.urology.2012.11.004. PMID: 23374848.
Powles, T., et al. (2017). Atezolizumab versus chemotherapy in patients with platinum-treated locally advanced or metastatic urothelial carcinoma (IMvigor211): A multicentre, open-label, phase 3 randomised controlled trial.
Rosenberg, J. E., et al. (2016). Atezolizumab in patients with locally advanced and metastatic urothelial carcinoma who have progressed following treatment with platinum-based chemotherapy: A single-arm, multicentre, phase 2 trial.]
ეს ნამუშევარი ლიცენზირებულია Creative Commons Attribution-NonCommercial-NoDerivatives 4.0 საერთაშორისო ლიცენზიით .
საავტორო უფლებები (c) 2023 ქართველი მეცნიერები