მელანოციტური ნევუსების ჰისტომორფოლოგიური ჰეტეროგენულობა: კლინიკოპათოლოგიური თავისებურებები და პროგრესიის პოტენციალის შეფასება
ჩამოტვირთვები
მელანოციტური ნევუსები წარმოადგენს კანის ყველაზე გავრცელებულ კეთილთვისებიან მელანოციტურ დაზიანებებს, რომლებიც გამოირჩევიან მნიშვნელოვანი ჰისტომორფოლოგიური მრავალფეროვნებით. სხვადასხვა ჰისტოლოგიური ტიპის ნევუსების არქიტექტურული, ციტოლოგიური და სტრომული თავისებურებების შეფასება კრიტიკულად მნიშვნელოვანია, როგორც დიფერენციალურ დიაგნოსტიკაში, ასევე მათი ბიოლოგიური ქცევის უკეთ გააზრებაში.
კვლევის მიზანს შეადგენდა სხვადასხვა ჰისტოლოგიური ტიპის მელანოციტური ნევუსების ჰისტომორფოლოგიური ჰეტეროგენულობის შეფასება, მათი კლინიკოპათოლოგიური თავისებურებების შედარება და პროგრესიასთან ასოცირებული მორფოლოგიური ნიშნების გამოვლენა. რეტროსპექტულ კვლევაში ჩართული იყო 52 პაციენტის ჰისტოლოგიური მასალა, რომელშიდაც დიაგნოსტირებული იყო სხვადასხვა ტიპის მელანოციტური ნევუსი. ჰემატოქსილინ-ეოზინით (H&E) შეღებილ პრეპარატებზე შეფასდა ნევუსის ჰისტოლოგიური ტიპი, სიმეტრიულობა, შემოსაზღვრულობა, მომწიფება, მოსაზღვრე კომპონენტი, პეჯეტოიდური გავრცელება, ციტოლოგიური ატიპია, ანთებითი ინფილტრატი, ფიბროზი, მზისმიერი ელასტოზი, პიგმენტაცია, წყლულოვანი ცვლილებები და რეზექციის კიდეების სტატუსი. მონაცემები დამუშავდა IBM SPSS Statistics 29.0 პროგრამის გამოყენებით.
კვლევამ აჩვენა, რომ სხვადასხვა ჰისტოლოგიური ტიპის მელანოციტური ნევუსები მნიშვნელოვნად განსხვავდებოდნენ არქიტექტურული და სტრომული მახასიათებლებით. მოსაზღვრე, ინტრადერმული, შედგენილი და ლურჯი ნევუსები უმეტესად სიმეტრიული და მკაფიოდ შემოსაზღვრული იყო, ხოლო დისპლაზიური და სპიცის ნევუსები უფრო ხშირად ხასიათდებოდა ასიმეტრიული არქიტექტურით, ნაწილობრივი მომწიფებით, ციტოლოგიური ატიპიითა და ანთებითი ცვლილებებით. რეციდივირებული შემთხვევები ძირითადად დაკავშირებული იყო დისპლაზიური ნევუსების ჯგუფთან და უფრო ხშირად აღენიშნებოდა დადებითი ქირურგიული რეზექციის კიდეების მქონე შემთხვევებში.
მელანოციტური ნევუსები ხასიათდებიან გამოხატული ჰისტომორფოლოგიური ჰეტეროგენულობით, რომელიც დამოკიდებულია მათ ჰისტოლოგიურ ტიპზე. რუტინული ჰისტომორფოლოგიური შეფასება მნიშვნელოვან ინფორმაციას იძლევა კლინიკოპათოლოგიური თავისებურებებისა და პროგრესიასთან ასოცირებული მორფოლოგიური ნიშნების შესახებ და წარმოადგენს საფუძველს შემდგომი იმუნოჰისტოქიმიური და ციფრული პათოლოგიის კვლევებისთვის.
Downloads
[1] Daltro LR, Freitas RA, Souza C da S, Yaegashi LB, Fantini B de C. Atypical cellular blue nevus or malignant blue nevus? An Bras Dermatol 2017;92:110. https://doi.org/10.1590/ABD1806-4841.20174502.
[2] Zalaudek I, Conforti C, Guarneri F, Vezzoni R, Deinlein T, Hofmann-Wellenhof R, et al. Clinical and dermoscopic characteristics of congenital and noncongenital nevus-associated melanomas. J Am Acad Dermatol 2020;83:1080–7. https://doi.org/10.1016/J.JAAD.2020.04.120.
[3] Yeh I, Busam KJ. Spitz melanocytic tumours – a review. Histopathology 2022;80:122–34. https://doi.org/10.1111/HIS.14583.
[4] Mccarthy JM, Rootman J, Horsman D, White VA. Conjunctival and uveal melanoma in the dysplastic nevus syndrome. Surv Ophthalmol 1993;37:377–86. https://doi.org/10.1016/0039-6257(93)90068-I.
[5] Seregard S, Trampe E af, Månsson-Brahme E, Kock E, Bergenmar M, Ringborg U. Prevalence of Primary Acquired Melanosis and Nevi of the Conjunctiva and Uvea in the Dysplastic Nevus Syndrome: A Case-control Study. Ophthalmology 1995;102:1524–9. https://doi.org/10.1016/S0161-6420(95)30836-6 .
[6] Li WJ, Venkateswaran N, Antonietti M, Qureshi S, Galor A, Karp CL. Emerging Techniques in the Treatment of Conjunctival Melanoma. Curr Ophthalmol Rep 2025;13:7. https://doi.org/10.1007/s40135-025-00334-9.
[7] Shain AH, Bastian BC. From melanocytes to melanomas. Nat Rev Cancer 2016;16:345–58. https://doi.org/10.1038/NRC.2016.37.
[8] Salvati L, Palmieri G, De Giorgi V, Cossu A, Mandalà M, Massi D. Melanoma: Pathology and genetics. Encyclopedia of Cancer 2018:414–25. https://doi.org/10.1016/B978-0-12-801238-3.65095-X.
[9] de la Fouchardière A, Boivin F, Etchevers HC, Macagno N. Cutaneous Melanomas Arising during Childhood: An Overview of the Main Entities. Dermatopathology 2021;8:301–14. https://doi.org/10.3390/DERMATOPATHOLOGY8030036.
[10] Zalaudek I, Conforti C, Guarneri F, Vezzoni R, Deinlein T, Hofmann-Wellenhof R, et al. Clinical and dermoscopic characteristics of congenital and noncongenital nevus-associated melanomas. J Am Acad Dermatol 2020;83:1080–7. https://doi.org/10.1016/J.JAAD.2020.04.120.
[11] Pampena R, Lai M, Piana S, Lallas A, Pellacani G, Longo C. Nevus-associated melanoma: Facts and controversies. Giornale Italiano Di Dermatologia e Venereologia 2020;155:65–75. https://doi.org/10.23736/S0392-0488.19.06534-9.
[12] Dessinioti C, Geller AC, Stratigos AJ. A review of nevus-associated melanoma: What is the evidence? Journal of the European Academy of Dermatology and Venereology 2022;36:1927–36. https://doi.org/10.1111/jdv.18453.
საავტორო უფლებები (c) 2026 ქართველი მეცნიერები
ეს ნამუშევარი ლიცენზირებულია Creative Commons Attribution-NonCommercial-NoDerivatives 4.0 საერთაშორისო ლიცენზიით .
