Assessment of Nurses’ Satisfaction under the Universal Health Care Program

ანოტაცია

შრომითი კმაყოფილების რთული ფენომენის ყოვლისმომცველ გაგება, ხელს შეუწყობს ეფექტური სტრატეგიების შემუშავებას საექთნო დეფიციტის აღმოსაფხვრელად და პაციენტის მოვლის ხარისხის გაზრდის მიზნით.

ჩვენი კვლევის მიზანია კორელაციების დადგენა ექთნების სამუშაოთი კმაყოფილების მახასიათებლებს შორის.

მეთოდები: კვლევაში ჩართული იყო 71 ექთანი: დედოფლისწყაროს, წალკის, დმანისის, ლანჩხუთის, ხარაგაულის, ამბროლაურის, ონის, ცაგერის, ლენტეხის, თიანეთის, თეთრიწყაროს და ყაზბეგის სამედიცინო დაწესებულებების კლინიკებიდან.

რესპოდენტებმა 5 ბალიანი სისტემით შეაფასეს სამუშაო გარემო, დაწესებულების ზრუნვა პერსონალის კეთილდღეობაზე, სანიტარული ნორმების კონტროლი, სამედიცინო აღჭურვილობისა და რესურსების ხელმისაწვდომობა, კოლეგებს შორის მხარდაჭერა და თანამშრომლობა, პროფესიული განვითარების შესაძლებლობა, ანაზღაურება, შრომის დანაწილება, სამუშაო გრაფიკი და დასვენების დრო.

შედეგები: ექთნები მაქსიმალური ქულით ყველაზე ხშირად აფასებდნენ კოლეგებს შორის მხარდაჭერას და თანამშრომლობას (38.03%), ყველაზე იშვიათად - შრომის დანაწილებით და რესურსებით უზრუნველყოფით კმაყოფილებას. არც ერთ რესპოდენტს არ შეუფასებია დასვენების სრულყოფილად გამოყენება 5 ქულით. ყველაზე მცირე   - 1 ქულით ყველაზე ხშირად შეფასებული იყო ტრენინგებით კმაყოფილება (35%).

სამუშაოთი  ზოგადი კმაყოფილება შეფასდა შემდეგნაირად: 1 ქულიანი შეფასება არ აღუნიშნავს არც ერთ რესპოდენტს, 2 ქულით შეაფასა 11.27%-მა, 3 ქულით - 53,52%-მა, 4 ქულით - 28,17%-მა და 5 ქულით მხოლოდ რესპოდენტთა 7.04%-მა.

კმაყოფილების მიხედვით, ყველაზე დაბალი საშუალო ქულა ჰქონდა კმაყოფილებას სამუშაო გარემოთი(1.51+1.04), ხოლო ყველაზე მაღალი - სანიტარული ნორმების შეფასებას სამუშაო ადგილზე (4.1+0.72); სამუშაოთი ზოგადი კმაყოფილება შეადგენს 3.31+0.81 ქულას.

ზოგად კმაყოფილებასთან სარწმუნო დადებით კორელაციას ამჟღავნებს:  სამედიცინო აღჭურვილობისა და რესურსების ხელმისაწვდომობა - r=.353^**, p=0,003; კოლეგებს შორის მხარდაჭერა და თანამშრომლობა - r=.459^**, p=<0.001; შრომის დაფასება - r=.359^**, p=0,002; კმაყოფილება ხელფასით r=.328^**, p=0,005;  კმაყოფილება ტრენინგებით - r=.370^**, p=0,002; კმაყოფილება სამუშაო გრაფიკით - r=.265^*, p=0,026;

ექთნების შრომითი კმაყოფილების აუცილებელი პირო თანამშრომლების მიმართ სოციალური პასუხისმგებლობით მიდგომა და მათი მოთხოვნებისა და უფლებების გათვალისწინება.