მუზეუმების როლი კულტურული ტურიზმის განვითარებაში
საკვანძო სიტყვები:
მუზეუმები, მუზეუმების როლი, კულტურული ტურიზმიანოტაცია
ნაშრომის საკვლევ თემას წარმოადგენს მუზეუმების როლის განსაზღვრა კულტურული ტურიზმის განვითარებაში. კულტურული ტურიზმი მოიცავს ტურიზმის ყველა იმ მიმართულებას, რომელიც დაკავშირებულია ერის ისტორიის, კულტურის, ეთნოგრაფიის, მატერიალური და სულიერი მემკვიდრეობის პოპულარიზაციასთან.
მუზეუმი როგორც წესი, საზოგადოების განვითარების სამსახურში მყოფი მუდმივი ინსტიტუტია. თანამედროვე გლობალიზაციის პროცესებში მუზეუმები მჭიდროდ თანამშრომლობს საზოგადოებასთან, საოცარი სისწრაფით ინტეგრირდება და იღებს, შეუზღუდავი რაოდენობის, როგორც ადგილობრივი, ასევე უცხოელ ვიზიტორებს. ამიტომ, საჭიროა სწორად მოხდეს მისი როლის გააზრება და წარმოჩენა.
ქვეყნის, როგორც მატერიალური (ისტორიული, ხუროთმოძღვრული ძეგლები), ისე არამატერიალური (ხალხური შემოქმედება, ენა, აღმსარებლობა, ტრადიციები, წეს-ჩვეულება) ფასეულობები უნიკალური წინაპირობაა კულტურული ტურიზმის განვითარებისათვის, რაც ვიზიტორების მხრიდან მუზეუმებისადმი მზარდ ინტერესს იწვევს. მუზეუმი ერთგვარი საცავია იმ ინფორმაციის, განათლებისა და კულტურის, რომელსაც მრავალი წელი აგროვებდა ადამიანი თავისი მოღვაწობით. ყოველივე ამან განაპირობა ის, რომ ტურისტული მოგზაურობის აუცილებელ პუნქტებს შორის მუზეუმმა თავისი ღირსეული ადგილი დაიკავა, რამეთუ უცხო ქვეყნის გასაცნობად რამ შეიძლება მოგცეს იმაზე მეტი ინფორმაცია, ვიდრე იმ საცავმა, სადაც მისი ისტორია, კულტურა ინახება და ტურისტებს აძლევს საშუალებას, უფრო ღრმად გაეცნონ მათთვის მანამდე უცნობ უნიკალურ კულტურას.
##plugins.generic.usageStats.downloads##
წყაროები
გალახვარიძე ნ., კულტურული ტურიზმი და მსოფლიო მემკვიდრეობის ღირსშესანიშნავი ადგილების მართვის აქტუალური საკითხები, სამეცნიერო ჟურნალი: დიპლომატია და სამართალი, №1-2(9), თბილისი, 2022
ენდელაძე ნ., მუჯირი ვ., სამუზეუმო განათლების როლი პიროვნების ჰარმონიული ჩამოყალიბების პროცესში, სტუ-ის შრომები (ხელოვნება და ჰუმანიტარული მეცნიერებები), №4 (530), 2023
სსიპ აჭარის მუზეუმი - https://ajaramuseums.ge/services
ქარაია ი., საქართველოს მუზეუმები 21-ე საუკუნის მიჯნაზე - პრობლემები და განვითარების პერსპექტივები, ჟურნალი: Caucasus Journal of Social Sciences, Vol, 4 No. 1, 2011
ქარაია ლ., კულტურული ტურიზმის განვითარების პერსპექტივები საქართვე-ლოს მუზეუმებში, ჟურნალი: Caucasus Journal of Social Sciences, Vol, 4 No. 1, 2011
Tamar Zubitashvili, The Role of Museums for the Issue of Tourism Development, Sciental Journal of Education Humanities and Social Sciences, Vol. 2.1, 2024
