of tourism development in the South Caucasus: past and present

ანოტაცია

სტატიაში        ,,ტურიზმის  განვითარების   ასპექტები  სამხრეთ კავკასიაში წარსული და აწმყო'', გაშუქებულია ტურიზმის განვითარებას   ისტორიული ასპექტები კავკასიაში.  კავკასიის  რეგიონი გამორჩეული იყო    და  არის მრავალი   ტურისტული  შესაძლებლობით, იგი ხასიათდება განსაკუთრებული გეოპოლიტიკური მდებარეობით, ტურისტული   რესურსების    სიუხვით, მრავალფეროვნებით. კავკასიაში ტურიზმის განვითარების ისტორიაზე, თავისებურებებზე  წარმოდგენას  გვაძლევს  საარქივო     მასალები, რომლის  შესწავლით  და გაანალიზებით, ვეცნობით ტურიზმის განვითარების თავისებურებებს კავკასიაში.  კერძოდ ,,კავკასიაში ტურიზმის წახალისების მთავარი კომიტეტის“ საქმიანობის შესწავლით საშუალება გვეძლევა გავეცნოთ საგარეო ურთიერთობებს, უცხოელთა გამოცდილებას, რჩევებს, რეკომენდაციებს, მითითებებს, რაც მნიშვნელოვანი იყო დარგის განვითარებისთვის. დასახელებული  კომიტეტი, რეგულარულ კავშირურთიერთობებს ამყარებდა ავსტრია-უნგრეთის, გერმანიის, საფრანგეთის, ბელგიის, იტალიის, შვეიცარიის, ბოსნია-ჰერცოგოვინის წარმომადგენლებთან,   მათი გამოცდილების   გაზიარება  იძლეოდა კავკასიაში ტურიზმის სწორი და სწრაფი განვითარების საფუძველს; საარქივო პირველწყაროებზე დაყრდნობით შეგვიძლია ვიმსჯელოთ საუკუნის წინანდელი რეკლამის ფორმების ნაირსახეობაზე, საინფორმაციო საშუალებებზე,ტურიზმის უსაფრთხოებისა და  სანიტარულ-ეპიდემიოლოგიურ საკითხებზე, რეკლამის  ფორმებზე,  განთავსების საშუალებებზე, ტრანსპორტის   სახეებზე, ტურიზმის ინფრასტრუქტურაზე .

       დღეისათვის  მრავალი ტურისტული ორგანიზაცია არსებობს, იცვლება დრო,  საინფორმაციო ტექნოლოგიები, მაგრამ იგივე რჩება კავკასიის  მდებარეობა, მრავალმხრივი საინტერესო ტურისტული პოტენციალი. კავკასიის მშვენიერება, ულამაზესი უღელტეხილები,  ბუნება, სამზარეულო თუ სტუმართმასპინძლობის ტრადიციები, რაც ყოველთვის იწვევდა უცხოელთა დაინტერესებას;ტურიზმში უცხოელი ექსპერტების რჩევები, რეკომენდაციები, მსოფლიო ტურისტული ორგანიზაციების მიერ ჩამოყალიბებული მოსაზრებები, ადგილობრივ ტურიზმის ექსპერტებთან ერთად, აუცილებელ პირობას წარმოადგენს ნებისმიერ ქვეყანაში  ტურიზმის განვითარებისა და წინსვლისათვის, როგორც ერთი საუკუნის წინასევე  დღეისათვისაც.