საკვანძო სიტყვები
Allium
მიკროსტრუქტურა
როგორ უნდა ციტირება
ანოტაცია
შესწავლილია საქართველოში გავრცელებული Allium saxatile Bieb.-ის ვეგეტატიური და გენერაციული ორგანოების მიკროსტრუქტურული აგებულება სინათლის Carl Zeiss, Jeneval -სა და Omax-ის სტერეოსკოპული მიკროსკოპით.A. saxatile-ს ფოთოლი დაღარული, კიდე ხერხკბილა და შიშველია. ფოთლის რბილობი ხასიათდება იზოლატერალური სტრუქტურით; ფოთლის მფარავი ქსოვილი მკვეთრად კუტინიზირებული; ერთრიგიანი ეპიდერმული ქსოვილის უჯრედთა გარსი მძლავრად გარსგასქელებული. ღერო შიშველი; მფარავი ქსოვილი აქტიურად კუტინიზირებული; ეპიდერმისი ერთრიგიან შრედ განწყობილი; ეპიდერმისის უჯრედები კვადრატული ფორმის; გარე პერიკლინური კედლები მძლავრად გასქელებული. გამტარ კონათა მერქანი ოვალური და კუთხოვანი მოხაზულობის, ჭურჭლთა სანათურები ჯგუფურად განლაგებული; გამტარ ჭურჭელთა გარსის გასქელება უპირატესად სპირალურია. ყვავილედი მრგვალი; ხშირყვავილიანი ქოლგა. ყვავილსაფარი კვერცხისებს-ზარისებრი; საფარველი თავისუფალი, მოგრძო, წაწვეტებული ფორმის, მკრთალი ვარდისფერი შეფერილობის. მტვრიანის ძაფები ყვავილსაფრის ფოთლებზე გრძელია. ბოლქვი თავისუფალი; მოგრძო-კონუსური ფორმის; მურა შეფერილობის; ტყავისებრი გარსით გარემოცული. ფესვის განაკვეთი სფეროსებრი; ფესვის მფარავი ქსოვილი - ეგზოდერმა ორ რიგიანი, წარმოდგენილი ერთ წყება თხელგარსიანი მომცრო ზომის და დიდი კვადრატული ფორმის, მჭიდროდ ურთიერთგანწყობილი უჯრედებით.
წყაროები
Allium L. in GBIF Secretariat (2021). GBIF Backbone Taxonomy. Checklist dataset https://doi.org/10.15468/39omei accessed via GBIF.org
R. Gagnidze, Vascular Plants of Georgia a nomenclatural Checklist, Institute of Botany. Tbilisi, Republic of Georgia, 2005.
საქართველოს ფლორა - ტ.XVI, 2011, გვ.187; 201- 202;
Nomenclatural checklist of flora of Georgia, Tbilisi 2018, p. 15-16;
Н.А. Анели -Атлас эпидермы листа; Изд.“Мецниереба“ 1975, ст.36
ეს ნამუშევარი ლიცენზირებულია Creative Commons Attribution-NonCommercial-NoDerivatives 4.0 საერთაშორისო ლიცენზიით .