ლაზოლექსის გამოყენება ქრონიკული მორეციდივე ჰერპესული სტომატიტის კომპლექსურ მკურნალობაში

ანოტაცია

ჩვენი კვლევის მიზანს წარმოადგენდა შეგვეფასებინა ახალი სამამულო წარმოების პრეპარატის ლაზოლექსის 5%-იანი ჟელეს გამოყენების ეფექტურობა ქრონიკული მორეციდივე ჰერპესული სტომატიტების მკურნალობის კომპლექსში. დასახული მიზნების რეალიზაციისთვის  გამოვიკვლიეთ და მკურნალობა ჩავუტარეთ 19-დან 55 წლამდე ასაკის ქრონიკული მორეციდივე ჰერპესული სტომატიტის მქონე პრაქტიკულად ჯანმრთელ 54 პაციენტს. ისინი დავყავით 2 ჯგუფად, თითოეულში გავაერთიანეთ 27-27 (50±0,5%) პირი. ორივე ჯგუფის პაციენტებს მკურნალობას ვუტარებდით ერთი და იმავე სქემით იმ განსხვავებით, რომ I ჯგუფის პაციენტების ადგილობრივი მკურნალობის კომპექსში ვიყენეთბდით ლაზოლექსის 5%-იან ჟელეს, ხოლო II საკონტროლო ჯგუფის  პირში - ზოვირაქსის 5%-იან მალამოს. კვლევის შედეგებმა აჩვენა, რომ I ჯგუფში 27 (50±0,5%) პაციენტიდან 5%-იანი ლაზოლექსით მკუნალობის შემდეგ მნიშვნელოვანი გაუმჯობესება მივიღეთ 19 (70,37±0,42%) პირთან, ხოლო გაუმჯობესება - 6-თან (22,22±1,87%). რაც შეეხება ეფექტურობის არარსებობას, ასეთი შედეგი დაფიქსირდა დაავადების მძიმე ფორმის მქონე 2 (7,41±1,87%) პაციენტთან. II ჯგუფში 27 (50±0,5%) პაციენტიდან ზოვირაქსით მკუნალობის შემდეგ მნიშვნელოვანი გაუმჯობესება მივიღეთ მხოლოდ დაავადების მსუბუქი ფორმის მქონე 5 (18,52±0,9%) პაციენტთან, ხოლო გაუმჯობესებას - 15-თან (55,6±0,8%). რაც შეეხება ეფექტურობის არ არსებობას, ასეთი შედეგი დაფიქსირდა 7 (26,16±1,67%) პაციენტთან, მათ შორის ყველასთან (5 პირი) დაავადების მძიმე ფორმის და 2-თან საშუალო სიმძიმის დროს.  ჩვენს მიერ ჩატარებული კვლევის შედეგად შეიძლება დავასკვნათ, რომ სამამულო წარმოების მცანარეული პრეპარატი ლაზოლვექსის 5%-იანი ჟელე  ხელს უწყობს ტუჩის წითელ ყაეთანზე და მიმდებარე კანზე ეპითელიზაციის პროცესების დაჩქარებას და რემისიის ინტერვალის გაზრდას. მას არ გააჩნია უარყოფითი გვერდითი მოვლენები და კარგად გადაიტანება ორგანიზმიეს მიერ. ამგვარად, ლაზოლვექსის 5%-იანი ჟელე შეიძლება წარმატებით იქნეს გამოყენებული ქრონოკული მორეციდივე ჰერპესული სტომატიტის მკურნალობაში ადგილობრივად აპლიკაციის სახით.