ქისათიბის (საქართველო) დიატომიტის საბადო

ანოტაცია

ქისათიბის დიატომიტის საბადო აგებულია მიო-პლიოცენური ასაკის ვულკა­ნო­გე­ნებით (გოდერ­ძის წყება). წყების ზედა ნაწილში განლაგებულია დიატომიტის შემცველი 5 ფენა. დიატომიტის შემცველი ქანი, მაკროსკოპულად ნაცრისფერი, ფხვიერი, სუსტად შე­ცე­­მენ­ტებული, საშუალო მჟავიანობის ლითოკრისტალოკლასტური ფოროვანი ტუ­ფია, რომე­ლიც გვხვდება დიატომიტის თეთრი, წვრილზოლებიანი, ღია ნაცრისფერი და ნაცრის­ფე­რი სახეობის სახით. თეთრი ფერის ნიმუშები, მიკროსკოპში ერთგვაროვანია, მთლიანად წარმოდგე­ნილია მღვრიე, თითქმის იზოტროპული ოპალისებრი მასით, რო­მე­ლიც მცირე რაოდენობით შეიცავს წმინდამარცვლოვან, კრისტალურ მექანიკურ მინა­რევს (α-კრისტობა­ლი­ტი, Ca-მონტ­მო­რი­ლო­ნიტი, Ca-Na - მინდვრის შპატი). წვრილ­ზო­ლებიანი, ღია ნაცრისფერი და ნაცრის­ფერი სახე­ობები ნატეხური აგებულებისაა, ზოგ­ჯერ მათში როგორც ცალკეული მინე­რა­ლის (ძი­რი­თადად, პლაგიოკლაზი და რქა­ტყუ­არა), ასევე ქანის სხვადასხვა ზომის ჩანართები გვხვდება.  გასულ საუკუნეში, ქისათიბის დიატომიტის საბადოზე მოპოვება რო­გორც ღია კარიერული წესით, ასევე მიწისქვეშა სამთო გამონამუშევრებით მიმდინარეობდა. ნედ­ლეული, ძი­რი­­­თადად, მიეწოდებოდა საცემენტე მრეწველობას, ცემენტში ჰიდრავლი­კუ­რი დანამატი­სა­თ­ვის, ხოლო მცირე ნაწილი გამოიყენებოდა ქიმიურ მრეწველობაში. ქისა­თიბის უნიკა­ლუ­რი თვისებების მქონე დიატომიტის ასეთი არარაციონალური გა­მო­ყენება არ იყო მიზანშეწო­ნი­ლი. ჩვენ მიერ ჩატარებული კომპლექსური ლაბორატორიული და არსებული ტექნო­ლოგიური კვლევების საფუძველზე, ნათლად იკვეთება ქისათიბის დიატომიტის საბა­დოს შემადგენელი დიატომიტის თეთრი სახესხვაობის უნიკალურობა. საველე სამუშა­ო­ებით, დრონით მიღებული სურათებისა და 3D მოდელების ანალიზით დადგინდა სა­ბა­დოზე არსებული პრობლემები (ნაკარიერალების და ჩამდინარე წყლების პრობლე­მა, ჩამოქცეული შახტები და ა.შ.). მათი აღმოფხვრა კი მხოლოდ საბადოს ინვესტიციით, თანამედროვე ტექ­ნოლოგიების გამოყენებით დამუშავებისა და მიღებული პროდუქტის რეალიზებით იქნება შესაძლებელი. თეთრი დიატომიტისაგან შესაძლებელია მივიღოთ მაღალხარისხოვანი ძვირად­ღი­­რე­ბუ­­ლი პროდუქცია: საფილტრე ფხვნილები შაქრის ხსნარების, ზეთის, ხილის წვე­ნე­ბის, ღვინის, ლუდის გასაწმენდად; იგი შეიძლება წარმატებით გამოვიყენოთ მედი­ცი­ნაში გლი­ცერინის და ინსულინის გასაწმენდად, სინთეზური ბოჭკოს, ქაღალდის, რეზი­ნის, საღებავისა და სხვ. პროდუქციის წარმოებაში. დიატომიტისაგან დამზადებული პრო­­დუქცია ექსპორ­ტისთვისაც იქნება გამიზნული. ქისათიბის საბადოს რენტაბელური დამუშვება ხელს შეუწყობს ადგილობრივი მოსახლეობის დასაქმებას და რეგიონის ეკონომიკურ განვითარებას.