ISSUES OF ACCESS TO PHARMACEUTICAL PRODUCTS IN THE GEORGIAN PHARMACEUTICAL MARKET

ანოტაცია

ქართულ ფარმაცევტულ ბაზარზე წამლის ხელმისაწვდომობის პრობლემატიკაზე, ჯანმრთელობისა და სოციალური პოლიტიკის მდგომარეობის შეფასებაზე ორიენტირებული ნაშრომის სტრუქტურა, ობიექტური და სინთეზირებული ინფორმაციით, საველე და სამაგიდო კვლევებით მიღებული მსგავსი შედეგების კრიტიკული ანალიზითა და არგუმენტაციით, საბოლოო დასკვნის გაკეთების საშუალებას იძლევა. საკვლევ პერიოდში განსაკუთრებით წარმატებული აღმოჩნდა ის სახელმწიფო კამპანიები და პროგრამები, რომლებიც ძირითადად მეტი შესაძლებლობებით, მოცვით, ტექნიკური შესრულების სიმარტივით, წამლის ხარისხით, ნომენკლატურის სიფართოვითა და ფასების მნიშვნელოვანი ბიუჯეტურობით გამოირჩევა.

ამ მახასიათებლებით, კვლევის შედეგებით, მოსახლეობაში კმაყოფილების მაღალი ხარისხითა და მოლოდინების გარკვეული დადებითი მაჩვენებლებით განსაკუთრებით თურქეთიდან გამარტივებული წესით იმპორტმა გადაწყვიტა ქვეყანაში გაძვირებულ წამლებზე ხელმისაწვდომობის პრობლემა. სამომავლოდ მდგომარეობის სტაბილურობა-გაუმჯობესებისთვის საყურადღებო რიგი ფაქტორებიც გამოიკვეთა. მაგალითად, ფორმა 100 ცნობადობის გაზრდა, ქრონიკული პროგრამის მეტი მოცვა და არამხოლოდ გენერიკების დამატება, თურქულ მედიკამენტებზე ფასების დასტაბილურება, ხარისხის კონტროლი, რეფენტულ ფასებზე - RX ჩამონათვალის გაზრდა და OTC მედიკამენტებიდან ქრონიკული პაციენტებისთვის აუცილებელი და საჭირო მედიკამენტების შეტანა, ქვეყნისთვის აუცილებელი ეკონომიკური გაჯანსაღების ფონზე, მთავრობის, მედიისა და საზოგადოების შემდგომი მხარდაჭერა და სხვა.