Topical issues of the mother tongue in primary school

ანოტაცია

სტატიაში გაანალიზებულია მშობლიური ენის ის აქტუალური საკითხები, რომელთა სწავლებაც დაწყებით სკოლაში ემსახურება სამეტყველო უნარ-ჩვევათა ჩამოყალიბებას ზეპირმეტყველების, კითხვისა და წერის მიმართულებით. ეროვნული სასწავლო გეგმის მიხედვით სამეტყველო ქცევებთან დაკავშირებული  უნარ-ჩვევათა განვითარება მიზნად ისახავს, აღზარდოს ისეთი პიროვნება, რომელსაც განუვითარებს აზრის გამოხატვის უნარ-ჩვევას, მოსმენის კულტურას, სოციალური კომუნიკაციისა და ინტერაქტიულ უნარებს.სწავლების პროცესში  ზეპირმეტყველების უნარების განვითარებას სისტემატური ხასიათი აქვს, კლასების მიხედვით თანდათან მდიდრდება მოსწავლეთა ლექსიკური მარაგი და იხვეწება მათი მეტყველებაც.წერა-კითხვის შესწავლის შემდეგ  კითხვის ჩვევათა განმტკიცება ხდება, იწყება ტექსტების ელემენტარული გარჩევა, კითხვისა და წერის შინაარსი და მიზანდასახულობაც იცვლება. აგრეთვე დაწყებით სკოლაში ხდება წერითი მეტყველების, აზრის თანამიმდევრულად და ლოგიკურად გადმოცემის უნარ-ჩვევების გამომუშავება. აქ ასევე სათანადო ყურადღება ექცევა  მოსწავლეთა თვითგამოხატვისა და შემოქმედებითი  უნარების განვითარებას.დაწყებით სკოლაში მოსწავლემ რომ შეძლოს გააზრებულად კითხვა და წერა, ამისათვის ვიყენებთ მიზანმიმართულ და ეფექტურ აქტივობებს. მუშაობა მიმდინარეობს იმ მიმართულებითაც, რომ მოსწავლეებს გამოუმუშავდეთ და განუვითარდეთ გააზრებისა და ინტეპრეტაციის, კრიტიკული აზროვნებისა თუ წაკითხულის შეფასების უნარები. სწავლების პროცესში მივმართავთ ისეთ მიდგომებს, რომლებიც ხელს შეუწყობს შემდგომში პიროვნების პირადი, ცხოვრებისეული, სოციალური თუ პროფესიული სირთულეების დამოუკიდებლად დაძლევის პროცესს.