Role of teachers in integrating technology in the classroom

ანოტაცია

    დღეს ტექნოლოგია მნიშვნელოვან გავლენას ახდენს უამრავი ადამიანის  სწავლის პროცესზე და გარკვეული სარგებლობაც მოაქვს მათთვის. ჩემი სტატიის მიზანია ვაჩვენო, რომ თავისთავად ტექნოლოგიის არსებობა არაფერს ნიშნავს წარმატებული სასწავლო პროცესის წარმართვისათვის და შემსწავლელისათვის ტრანსფერული უნარების განვითარების თვალსაზრისით. არსებობს რამოდენიმე ფაქტორი, რომელიც განსაზღვრავს, თუ როგორ უნდა იყოს გამოყენებული ტექნოლოგიები საკლასო ოთახში და რამდენად შესაძლებელია, რომ მან დადებითი გავლენა მოახდინოს მოსწავლის მოტივაციაზე. მათ შორის არის ციფრული ამბის მოყოლა, ანიმოტოს და კალტურას გამოყენებით, ასევე ისეთი ტექნოლოგიების გამოყენებით, როგორიც არის გავრცობილი და ვირტუალური რეალობა და სწავლის მართვის სისტემა, ონლაინ აპლიკაციები- კაჰუთი, ქვიზლეთი, მენტიმეტრი, პადლეტი და სხვა. თუმცა, ტექნოლოგიების წარმატებული, მამოტივირებელი გამოყენება დამოკიდებულია მასწავლებლის და მოსწავლის ცოდნაზე, თუ როგორ განახორციელონ ეს შესაძლებლობები. სტატიაში გამოყენებულია არწერილობითი და ხარისხობრივი კვლევა, რომლის შედეგადაც დადგინდა, რომ ტექნოლოგიების წარმატებულად გამოყენებისათვის მასწავლებელი უნდა იყოს შემსწავლელი, ლიდერი, მოქალაქე,თანამშრომელი, შემოქმედი, ფასილიტატორი და ანალიტიკოსი, ხოლო მოსწავლეს ჭირდება ისეთი უნარების ფლობა როგორიცაა: სწავლის საჭიროების იდენტიფიცირება, კონკრეტული, გაზომვადი, მიღწევადი, რელევანტური და დროული მიზნის დასახვა, დაგეგმვის შესწავლა, წყაროს მოპოვება, პრაქტიკა,მონიტორინგის პროცესი, შეფასება და გადამეორება(რეინდერსი, 2010). ამრიგად, მასწავლებლის და მოსწავლის ხელშეწყობა მოტივაციისა და სწავლის პროცესში ტექნოლოგიების პოტენციურად გამოყენების მთავარი გასაღებია.