Akaki Tsereteli State University Niko Nikoladze and newspaper „The Obsor“ about the 1878-1878 „Russian-Osmalian“ war and the reunion of south-west Georg

ანოტაცია

XIX საუკუნე უაღრესად რთული და საინტერესო პერიოდია ქართველი  ხალხის ისტორიაში. ეს არის საუკუნე, რომელიც გამოირჩევა ისეთი საპირისპირო მოვლენებით, როგორიცაა სახელმწიფოებრიობის დაკარგვა, ეროვნულობის გამოღვიძება, ისტორიული მიწებისა და მოსახლეობის კვლავ მშობლიურ მიწა–წყალთან შეერთება, რუსეთის იმპერიის წიაღში, ქართველი ხალხის ერთ ერად ჩამოყალიბება და ასე შემდეგ. ცარიზმის უღელქვეშ ქართველმა ხალხმა შეძლო არამარტო გადარჩენა და კონსოლიდაცია, არამედ საუკუნეების განმავლობაში დაკარგული მიწებისა და მოსახლეობის დაბრუნება. ამ პროცესებში აქტიურად იყო ჩართული ქართული პატრიოტული ინტელიგენცია, რომელიც რუსეთის ძალას უკავშირებდა ოსმალეთის იმპერიის მიერ მიტაცებული ტერიტორიების დაბრუნებას. ამ შემთხვევაში საქართველოს ეს ისტორიული ტერიტორიები ერთი დამპყრობელიდან მეორეს ხელში გადადიოდა, მაგრამ ტერიტორიული გამთლიანება, თუნდაც კოლონიურ პირობებში, თავისთავად პროგრესული აქტი იყო. ყოველივე ეს ქართველ ხალხს კარგად ჰქონდა შეგნებული. ამიტომ იგი აქტიურად მონაწილეობდა რუსეთ–ოსმალეთის 1806–1812, 1828–1829 და 1853–1856 წლების ომებში და რუს მეომართა მხარდამხარ ღვრიდნენ სისხლს ქართული მიწა–წყლის დასაბრუნებლად.