Supral poems in Literature (Byron, Al. Chavchavadze) and in Music ( Metkhoveni, Verdi)

ანოტაცია

          „სუფრული ლექს-სიმღერების“ წარმოშობა დაკავშირებულია ჯერ კიდევ ანტიკურ ეპოქასთან და გულისხმობდა სასმელის მიღებასთან ერთად მხიარულ სიმღერასაც. ცნობილმა პოეტმა ალკეოსმა პირველმა შექმნა „სუფრული სიმღერები“, ანუ სკოლიონები, რამდენადაც, ალკეოსი ეძებდა „წამალს“ პოლიტიკურ ასპარეზზე დამარცხების გამო მოძალებული სევდის გასაქარვებლად, ღვინოში თავდავიწყება ერთგვარად სასოწარკვეთილებისაგან გათავისუფლებასაც ნიშნავდა. „სუფრული სიმღერები“ პოპულარული იყო ქრისტიანობის გავრცელებამდე ევროპაში, როდესაც არაზნეობრივად იქნა მიჩნეული თრობა-ლოთობა და მისი აპოლოგია. XVIII საუკუნის შუა წლებიდან რევოლუციებისა და გართულებული სოციალ-პოლიტიკური მოვლენების გამო ევროპაში თანდათანობით მიმდინარეობს სწრაფვა სასმელის მეშვეობით თავდავიწყებისაკენ, რასაც ხელი შეუწყო XVIII საუკუნის დასასრულს საფრანგეთში, პარიზში “Société des observateurs de l’homme  შექმნამაც, რომელშიც ფართო ადგილი დაეთმო მგრძნობელობას და თრობას. ამ დროისათვის ჩნდება ე.წ. „სუფრული ლექს-სიმღერები.“