Raising Awareness of the EU, European Values and Georgia's Association Agreement with the EU in Ethnic Minority Areas and IDP settlement -- on the Example of Jean Monnet's "European Learning Triangle" project at Caucasus University

ანოტაცია

საქართველოს ევროკავშირთან ინტეგრაციისა და ასოცირების პირობებში დიდი მნიშვნელობა ენიჭება მოსახლეობის, მათ შორის ეთნიკური უმცირესობების, ცოდნასა და მოლოდინებს ევროკავშირის, ევროინტეგრაციისა და ასოცირების შეთანხმების განხორციელების პროცესისადმი. სხვადასხვა ორგანიზაციის მიერ დღემდე ჩატარებული გამოკითხვების შედეგე-ბის მიხედვით, საქართველოს მოსახლეობა სტაბილურად დადებითადაა განწყობილი ევროინტე-გრაციისადმი. ინტერესი ასოცირების პროცესებისადმი დიდია, თუმცა ის არ ეფუძნება საქართვე-ლო-ევროკავშირის ურთიერთობების სპეციფიკასა და დინამიკას. მოსახლეობა ცოდნას ძირითადად ზედაპირული ხასიათის ინფორმაციას ტელევიზიებიდან იღებს. მოსახლეობის ცნობიერების ამაღლების ერთ-ერთ ხერხად მიჩნეულ იქნა კავკასიის უნივერ-სიტეტის Erasmus+ ჟან მონეს პროექტის „ევროპული სწავლების სამკუთხედის“ (TEESS) განხორციელება და ევროპული სწავლების საუნივერსიტეტო ცოდნის გატანა საჯარო სკოლებში. პროექტის მიზანია დევნილებითა და ეთნიკური უმცირესობებითა დასახლებული რეგიონების სკოლების მოსწავლეებისა და მასწავლებელთათვის, მათი ოჯახებისათვის  ცნობიერების ამაღლება ევროპული ინტეგრაციის, ასოცირების შეთანხმებისა და DCFTA შესახებ. პროექტის ფარგლებში ჩატარებული ვორქშოპები ახალციხის, მარნეულისა და თბილისის დევნილთა, ასევე ქართულ, რუსულ, სომხურ და აზერბაიჯანულ საჯარო სკოლებში ცხადჰყოფს, რომ ინფორმაცია ევროპული ასოცირების პროცესის შესახებ საქართველოში  მსმენელთა დიდი ნაწილისათვის ახალია. ინტერესი გამოიხატა როგორც მოსწავლეების, ისე მშობლებისა და მასწავ-ლებლების მხრიდანაც. შეკითხვებისა და მოსაზრებების გამოთქმის პროცესში შეინიშნებოდა, რომ მათ სწორად გაიაზრეს რას ნიშნავს ევროკავშირის მხარდაჭერა საქართველოსათვის. თუმცა მცირე ნაწილი მაინც რჩება სკეპტიკური განწყობით.  სამწუხარო რეალობაა, რომლის საპასუხოდ საჭიროა შესაბამისი ღონისძიებების გატარება არა მარტო ევროპული ფასეულობებისა და საქარ-თველო-ევროკავშირის  შესახებ საინფორმაციო კამპანიის დაგეგმვის, არამედ ეთნიკურ უმცირე-სობებით დასახლებულ რეგიონებში სახელმწიფო ენის სწავლების გაძლიერების თვალსაზ-რისით. პროექტის შედეგებმა ცხადჰყო, რომ სასკოლო დონეზე ევროკავშირის შესახებ მოზარდთა ცნობიერების ამაღლებისათვის საჭიროა  ისტორიისა და სამოქალაქო განათლების გაკვეთილებ-ზე ევროპული სწავლების გააქტიურება, რასაც ხელს შეუწყობს კავკასიის უნივერსიტეტის Erasmus+ ჟან მონეს პროექტის ფარგლებში განათლებისა და მეცნიერების სამინისტროს თანადგომით ოთხ ენაზე გამოცემული დამხმარე სახელმძღვანელო ისტორიისა და სამოქალაქო განათლების მასწავლებლებისათვის „ევროპული ასოცირების პროცესი საქართველოში“. სასურ-ველია საპროექტო მუშაობის გააქტიურება და არაფორმალური განათლების ელემენტების შემო-ტანა. რაც მთავარია, სახელმწიფოს მხარდაჭერისა და სხვა ინსტიტუციების აქტიური ჩართუ-ლობა უნივერსიტეტებთან ერთად ჟან მონეს პროექტების განხორციელების პროცესში.