Forms of cooperation between the emigrant and dissident press and their role in the collapse of the Soviet system (according to the periodicals of the 70-80s of the XX century)

ანოტაცია

ნაშრომი  იკვლევს XX საუკუნის  70-80-იან წლებში  ქართული  პოლიტიკური ემიგრაციისა და ე.წ.  საბჭოთა დისიდენტების კომუნიკაციის შესაძლებლობებსა და განხორციელების გზებს მედიურ ჭრილში. დავინტერესდით   კონტრასტულ მედიაველებში  ფუნქციონირებადი  პლურალისტური  ემიგრანტული პრესისა  (,,ჩვენი დროშა“,    ,,ივერია“, ,,თავისუფლების ტრიბუნა“, ,,გუშაგი“) და საბჭოთა საქართველოში, ერთპარტიულ იდეოლოგიზირებულ მედიაგარემოში  არალეგალურად  დაბეჭდილი  ე.წ. თვითგამოცემების  (,,ოქროს საწმისი“  და,,საქართველოს მოამბე“, 1975-1976 წწ.) ურთიერთთანამშრომლობის  ფორმებით და მათი წვლილით   საბჭოთა  სისტემის რღვევაში.  შევისწავლეთ ვრცელი ემპირიული მასალა, სათანადო წყაროები,   საგაზეთო პუბლიკაციები, სამეცნიერო სტატიები და კვლევის ისტორიულ-შედარებითი (კომპარატივისტური)  და კონტენტ ანალიზის მეთოდის  გამოყენებით   გამოვკვეთეთ მონიშნული პერიოდის  ისტორიულ-პოლიტიკური რეალობის კონტექსტში  დისიდენტური და ემიგრანტული მედიების  კონსპირაციული კავშირები, ურთიერთგავლენა და  პოლიტიკური ბმები, ასევე   პუბლიცისტური დისკურსისა  თუ ღირებულებითი ხედვების  თავისებურებანი. ქართული დისიდენტური და ემიგრანტული  პრესა, რომელიც  გაჯერებული იყო ანტისაბჭოთა ნარატივით,   ის ერთობლივი ოპოზიციური პლატფორმა აღმოჩნდა, რომელმაც  თავისი   წვლილი შეიტანა  საზოგადოების ობიექტურ ინფორმირებასა და საბჭოთა  სისტემის რღვევაშიც.