Before the formation of Article 18.2 of the Civil Code of Georgia in its current form, some aspects of the development of legislation on the protection of personal non-property rights

ანოტაცია

     ნაშრომის, რომლის დასახელებაა - ,,საქართველოს სამოქალაქო კოდექსის მე-18.2 მუხლის ამჟამად არსებული სახით ჩამოყალიბებამდე პირადი არაქონებრივი უფლებების დაცვის თაობაზე კანონმდებლობის განვითარების ზოგიერთი ასპექტი’’ შექმნა განაპირობა იმ გარემოებამ, რომ პირადი არაქონებრივი უფლებების დაცვა, ადამიანისთვის მათი უდიდესი მნიშვნელობის მიუხედავად, ქართულ სინამდვილეში, განვითარების სხვადასხვა ეტაპზე გარკვეული სირთულეებით ხასიათდებოდა, კერძოდ მას შემდეგ რაც დეკრიმინიზირებული იქნა შეურაცხყოფა, როგორც სისხლის სამართლის დანაშაული, გარკვეული წლების მანძილზე, საქართველოს სამოქალაქო კოდექსი არ იძლეოდა შეურაცხყოფით შელახული პატივის, ღირსების და საქმიანი რეპუტაციის დაცვის შესაძლებლობას. მდგომარეობა ნაწილობრივ გამოსწორდა მას შემდეგ რაც 2004 წელს ცვლილება შევიდა სამოქალაქო კოდექსის 18.2-ე მუხლში და ამ ნორმამ დაუშვა ამ მიმართებით სხვა საკანონმდებლო აქტების გამოყენების შესაძლებლობა. თუმცა, ,,სიტყვისა და გამოხატვის თავისუფლების შესახებ“ კანონმა ისევე, როგორც სხვა არაერთმა ნორმატიულმა აქტებმა ბოლომდე ვერ გადაწყვიტა ეს პრობლემა, რადგან იგი იძლევა შეურაცხყოფით ხელყოფილი პატივის და ღირსების დაცვის შესაძლებლობას მხოლოდ მაშინ თუ პირისპირ შეურაცხყოფას აქვს ადგილი, რის გამოც საჭიროა არსებული კანონმდებლობის შემდგომი სრულყოფა.