Perfection of the essence of commercial banks' activity - "Operation", "Product" and "Service" and the problem of forming the Author's seven approaches to their judgment

ანოტაცია

 ნაშრომში განხილულია საბანკო პროდუქტების გაყიდვის სისტემის შექმნის თანამედროვე მომსახურებისა და კაპიტალის ბაზრის შესაძლებლობების, ეროვნული ეკონომიკის სისტემის განვითარების ძირითადი ტენდენციების, კლიენტების პოტენციური მოთხოვნის თეორიული კვლევები. ჩამოყალიბებულია მომსახურების თეორიების სამი ძირითადი ეტაპი: პირველი ეტაპი - XX საუკუნის 60-იანი წლების ბოლო და 70-იანი წლების დასაწყისი; მეორე ეტაპი - XX საუკუნის 80-იანი წლების ბოლო და 90-იანი წლების დასაწყისი; მესამე ეტაპი - XX საუკუნის 1991 წლიდან დღევანდელი დღის ჩათვლით.

ყურადღება გამახვილებულია საბანკო მომსახურების თეორიაში რიგ პრობლემებზე, როგორებიცაა: დასავლეთის ბანკების გამოცდილების საბანკო მომსახურეობების თანამედროვე ქართულ ბაზარზე გამოყენების თავისებურებები, საბანკო მომსახურეობები კაპიტალისა და ფასიანი ქაღალდების ბაზარზე, საბანკო მომსახურეობები უახლესი საბანკო ტექნოლოგიების გამოყენებით შესწავლილია არასაკმარისად დეტალურად და მითითებულია აღნიშნულის რიგი ობიექტური მიზეზები, როგორებიცაა: ინფორმაციების დახურულობა და მიუღწევადობა, დასავლეთის წყაროებში უპირატესად საერთო მახასიათებლებისა და რეკომენდაციების არსებობა.

  ჩამოყალიბებულია მსოფლიო გამოცდილების საფუძველზე საერთაშორისო და ქართულ საბანკო პრაქტიკაში განვითარებადი კომერციული ბანკების საქმიანობის - ოპერაცია, პროდუქტი და მომსახურების ტენდენციებისა და ცნებების სრულყოფა და მათი განსჯისადმი ავტორებისეული შვიდი მიდგომის ჩამოყალიბების პრობლემატიკა, როგორებიცაა: ფულადი, საოპერაციო-ტექნოლოგიური, იურიდიული, მომსახურეობრივი, განუსაზღვრელი, შედეგობრივი, მომსახურეობრივ-საოპერაციო. მითითებულია, რომ საბანკო პროდუქტი - არის „კომერციული ბანკის” ურთიერთდაკავშირებული მომსახურეობებისა და ოპერაციების კომპლექსი. აღნიშნულია, რომ საბანკო მომსახურეობა - არის „კომერციული ბანკის“ მიერ კლიენტებზე მიწოდებადი საბანკო ოპერაციების თანმხლები და ოპტიმიზირებადი საქმიანობის ტექნიკური, ტექნოლოგიური, ფინანსური, ინტელექტუალური და პროფესიონალური სახეობები.