ფიზიკური აღზრდის საკითხები იაკობ გოგებაშვილის შემოქმედებაში და თანამედროვეობა

ანოტაცია

            ქართული სახელმწიფო მიზნად ისახავს ისეთი სასკოლო სისტემის შექმნას, რომელიც თითოეულ მოსწავლეს მისცემს სხვა უნარებთან ერთად ფიზიკური განვითარების  უნარ-ჩვევების შეთვისების თანაბარ შესაძლებლობას.   აქტუალობას არ კარგავს იაკობ გოგებაშვილის პედაგოგიური შეხედულებები მოსწავლეთა მიერ ფიზიკური უნარ-ჩვევების  განვითარების მიხედვით. ამავდროულად, იაკობ გოგებაშვილი იმ მოღვწეთა რანგს ეკუთვნის, რომელთა შემოქმედების განხილვა საუკუნეების გადასახედიდან ტოვებს ახლის ძიების განცდას, პარალელების გავლებას თანამედროვეობასთან.  ნაშრომში მიმოხილულია ეროვნული სასწავლო გეგმის ფიზიკური აღზრდისა და სპორტის საგნობრივ სტანდარტებში მოცემული საკითხები და გამოთქმულია მოსაზრება, რომ სკოლებში ფიზიკური აღზრდისა და სპორტის სწავლების არსებული მდგომარეობა გვიჩვენებს ბევრ ხელისშემშლელ ფაქტორს, რომელთა შემცირება/აღმოფხვრა  სპორტის სწავლებას უფრო ნაყოფიერსა და შედეგიანს გახდიდა.    საკითხი მეტად მნიშვნელოვანია და მისი შესწავლა, ვფიქრობთ, განათლების მკვლევართა, პედაგოგთა, მაგისტრანტთა და დოქტორანტთა ერთობლივი, სისტემური კვლევის საგანია. მიღებული შედეგები კი, ვფიქრობთ, წაადგება თავად განათლების რეფორმის მიმდინარეობას და  ფიზიკური აღზრდისა და სპორტის სწავლებას უფრო შედეგიანს გახდის.