Some Stylistic Aspects of Oscar Wilde’s Fairy Tales

ანოტაცია

მხატვრული ნაწარმოებების სტილისტური კვლევა ძალზე აქტუალურია, რადგანაც მსგავსი კვლევების საშუალებით ჩვენ შესაძლებლობა გვეძლევა, გავიგოთ ამა თუ იმ მწერლისა თუ პოეტის წერის სტილი და თავისებურებანი. შევისწავლოთ მისი  შემოქმედების მახასიათებელი ცალკეული შტრიხები. სტილისტური კვლევების წყალობით ვიგებთ, თუ რა მხატვრულ საშუალებებს, ლიტერატურულ ხერხებს იყენებს მწერალი, რითაც მისი შემოქმედება მეტად ემოციური, ექსპრესიული და გამორჩეული ხდება. წინამდებარე სტატიაში განხილულია ცნობილი ინგლისელი მწერლისა და პოეტის ოსკარ უაილდის ზღაპრების სტილისტური ასპექტები. კვლევისათვის შევარჩიეთ  ცნობილი ზღაპრები, კერძოდ: “The Happy Prince” („ბედნიერი პრინცი“, “The Selfish Giant” („თავკერძა გოლიათი“), “The Nightingale and the Rose” („ბულბული და ვარდი“), “The Devoted Friend” („ერთგული მეგობარი“). საანალიზო მასალაში შესწავლილი და გამოკვლეულია მწერლის წერის სტილი და თავისებურებანი, მხატვრულ-ლიტერატურული საშუალებები. ზღაპრების სტილისტური ანალიზის შედეგად დადგინდა, რომ უაილდის წერის სტილი და მანერა, მართლაც, გამორჩეულია, რადგან იგი იყენებს მხატვრული საშუალებების მრავალფეროვნებას, რაც  განსაკუთრებულად იზიდავს მკითხველს. აღსანიშნავია, რომ მისი ენობრივი შესაძლებლობები ამოუწურავია. ხასიათდება დიდი ემოციითა და ექსპრესიით, რის საშუალებითაც მწერალი ადვილად ახდენს მკითხველზე შთაბეჭდილებას. ოსკარ უაილდის ზღაპრები, შეიძლება ითქვას, რომ გაპიროვნებაზეა აგებული, იგი დიდი სიუხვით ხასიათდება; ზღაპრებში ასევე მრავლადაა გამოყენებული განმეორება, პარალელური კონსტრუქციები და მეტაფორა. ოსკარ უაილდი, თავისი ინდივიდუალური წერის ხატოვანებითა და მეტაფრული სტილის წყალობით მკითხველს ზღვა ემოციების ქვეშ აქცევს, რადგანაც მისი ზღაპრები ექსპრესიულობითა და ძლიერი ემოციური შეფერილობით გამოირჩევა. უაიდლის ეს ლეგენდარული ზღაპრები უდიდეს საჩუქრად შეიძლება ჩაითვალოს მისი მკითხველისთვის. მწერალი მხატვრული ხერხების წყალობით ქმნის დიდ ემოციურ კავშირს მკითხველსა და პერსონაჟებს შორის.