Members of "Red Squads" Operating in Kakheti and Ioseb Jughashvili (Stalin) (According to Archival Materials)

ანოტაცია

1905-1914 წლებში აღმოსავლეთ საქართველოში - კახეთში და კერძოდ თელავის მაზრაში, აქტიურად მოქმედებდნენ ,,წითელი რაზმები“, რომლებიც იყვნენ სხვადასხვა რევოლუციური პარტიის, მათ შორის სოციალ-დემოკრატების გავლენის ქვეშ და ეწეოდნენ ტერორისტულ და ,,ექსპროპრიაციულ’’ საქმიანობას.

ქალაქ თელავში 1905-1907 წლების რევოლუციის პერიოდში, ასევე შემდგომ წლებში სისტემატურად ხდებოდა ტერორისტული აქტები, რომლებსაც ძირითადად თელაველი სოციალ-დემოკრატიული პარტიის ადგილობრივ ორგანიზაციასთან დაკავშირებული ტერორისტები ე.წ. ,,ჯგუფისტები’’ ჩადიოდნენ. საარქივო მასალების მიხედვით, თელაველი ,,ჯგუფისტები’’ საკმაოდ აქტიურად მოქმედებდნენ 1906-1908 წლებში.

სხვადასხვა საარქივო დოკუმენტების ანალიზიდან ჩანს, რომ პროვინციებში რევოლუციური აგიტაციის წარმოების, ,,წითელი რაზმების“ ჩამოყალიბების, მიზნით, 1906 წლის იანვარში იოსებ ჯუღაშვილი ჩასულა აღმოსავლეთ საქართველოში - ქალაქ თელავში. ეს დასტურდება საქართველოს ეროვნული არქივის, შინაგან საქმეთა სამინისტროს არქივის, ასევე თელავის ისტორიული მუზეუმის ფონდებში დაცული მასალებით.