Postoperative ventral hernia treatment considering hernia size and localization

ანოტაცია

ვენტრალური თიაქრის აღდგენა ერთ-ერთი ყველაზე გავრცელებული ქირურგიული პროცედურაა მთელ მსოფლიოში; კვლევის მიზანია ჩვენს მიერ ჩატარებული ვენტრალური თიაქრების ოპერაციების განხილვა.

მასალა და მეთოდები: კვლევაში მონაწილეობდა 96  პაციენტი (2015-2022 წწ) პოსტოპერაციული ვენტრალური თიაქრის დიაგნოზით, მათგან მამაკაცი იყო - 32  ქალი -  64, ასაკი 30-70 წ. პაციენტები ლოკალიზაციის მიხედვით განაწილდნენ შემდეგნაირად: ჭიპის ზემოთ 42 ( M1 და M2), ჭიპის ქვემოთ  54 (M4 და  M5); ჭიპის ზემოთ შემთხვევები უხშირესად გვხვდებოდა მამაკაცებში  26 (61.9%), ქალებში 16 (38.1%), ჭიპის ქვემოთ კი ქალებში 48(88.9%), მამაკაცი 6 (11.1%).

შედეგები: ვენტრალური თიაქრების სიხშირე ზომის მიხედვით ჩვენს მასალაში შემდეგნაირად  გადანაწილდა: მცირე ზომის  16 W1(16.7%), საშუალო 31 W2(32.3%)  დიდი ზომის და გიგანტური 49 W3(51%). პაციენტების დაყოვნებამ სტაციონარში შეადგინა: მცირე ზომის თიაქრების დროს  2დღე ხოლო საშუალო ზომის თიაქრის დროს 3-4 დღე, დიდი ზომის და გიგანტური თიაქრების დროს 4-6 დღე. ამბულატორიული მეთვალყურეობა უტარდებოდა ყველა პაციენტს 1 წლიდან 5 წლამდე პერიოდში. გართულებები აღენიშნა 9 (9.4%)  რეციდივი 1  (1.04%) შემთხვევა (გიგანტური პოსტოპერაციული ვენტრალური თიაქარი კოლინჯის ავთვისებიანი სიმსივნის ოპერაციის შედგომ თანმხლები ფილტვების ქრონიკული ობსტრუქციული დაავადებით, შაქრიანი დიაბეტი, გიდ). სერომა 6 (6.25%) შემთხვევა. W2  2(33.3%), W3  4 (66.7%) ჭიპის ქვემოთ მდებარე დიდი ზომის და გიგანტური ვენტრალური თიაქრის დროს, როცა გამოყენებული იყო On Lay ტექნიკა. მათ შორის 1 (1.04%) პაციენტს ჩაუტარდა განმეორებითი ოპერაცია პროთეზის ამოღების გარეშე,  როცა გამოყენებულ იყო In Lay ტექნიკა.  ყველა სხვა შემთხვევა დასრულდა პუნქციური წესით სერომის ევაკუაციით. დაჩირქება 2  (2.1%) შემთხვევა, აქედან  1(3.4%) Sub Lay ტექნიკის შემდგომ  და  1 (2.1%) On Lay ტექნიკის შემდგომ (თანმხლები შაქრიანი დიაბეტი ტიპი 2).  ამ შემთხვევაში საჭირო გახდა განმეორებითი ოპერაცია და საპროთეზო მასალის ამოღება).

 დასკვნები:

• მცირე ზომის თიაქრების დროს, პრაქტიკულად ყველა შემთხვევაში ნაწარმოებია ოპერაცია Sub lay (ოქროს სტანდარტი) ტექნიკის გამოყენებით;
• ჭიპის ზემოთ ლოკალიზებული საშუალო თიაქრების შემთხვევაში უხშირესად შესაძლებელია Sub Lay ტექნიკის გამოყენება
• დიდი და გიგანტური ზომის თიაქრების დროს კუნთოვან-აპონევროზული შრის მნიშნელოვანი „რღვევის გარეშე“ შეუძლებელია Sub lay ტექნიკით თიაქრის პლასტიკა, ამიტომ უხშირესად გამოყენებულია On lay და უფრო იშვიათად In lay ტექნიკით პლასტიკა.