Transformation of the economy of post-communist Georgia on the 30th anniversary of the restoration of independence

ანოტაცია

ეკონომიკის ტრანსფორმაციის 30 წლიანი პერიოდი საქართველოში გარკვეული სირთულეებით მიმდინარეობდა, განსაკუთრებით მტკივნეული იყო პირველი 10 წელი, როდესაც საშუალოდ ყოველწლიურად მთლიანი შიდა პროდუქტის აბოსლუტური კლების მაჩვენებელმა შეადგინა 1,5 მლრდ ლარი. მშპ-ს ყოველწლიურმა საშუალო კლებამ 8.91% შეადგინა. მეორე და მესამე ათწლეულებში მდგომარეობა რამდენადმე გაუმჯობესდა, თუმცა, პირველ ათწლეულში გამოწვეული სირთულეების გამო მთლიანად 30 წლის საშუალო აბსოლუტური მატების ყოველწლიური მაჩვენებელი 114 მლნ ლარი იყო, ხოლო მშპ-ს საშუალო წლიური ზრდის ტემპი 0,4 %. უკანასკნელ წლებში საქართველოს ეკონომიკაში მიღწეული წარმატებები ყურადღების გარეშე არ დარჩენია საერთაშორისო სავალუტო ფონდს და მსოფლიო ბანკს, რომლებმაც საქართველო ეკონომიკური რეფორმების გატარების მხრივ მიიჩნიეს ყველაზე წარმატებულ ქვეყნად პოსტსაბჭოთა სივრცეში.  უკანასკნელი დროითი პერიოდების მიხედვით საქართველოს მშპ-ს ზრდა ხასიათდება ორნიშნიანი მაჩვენებლით.