The importance of the formation, development and decentralization of local self-government in the reconstruction of the country

ანოტაცია

ხელისუფლების დანაწილების პრინციპი, სათავეს ჯერ კიდევ რომის იმპერიიდან იღებს, ხოლო შემდეგ კი იდეა ახლებურად გააზრებულ და გადამუშავებულ იქნა ჯონ ლოკისა და შარლ ლუი მონტესკიეს მიერ, რამაც ხელი შეუწყო აღნიშნული იდეის პოპულარიზაციას. ლოკმა თავისი შეხედულებები ხელისუფლების დანაწი­ლე­ბის საჭიროებისა და მნიშვნელობის შესახებ მოგვცა ნაშრომში: „მეორე ტრაქტატი სამოქალაქო მმართვე­ლო­ბაზე“ (1690), რაც შეეხება მონტესკიეს, აღნიშნული საკი­თხები მას გააზრებული აქვს შემდეგ შრომებში „სპა­რსული წერილები“, „კანონების სული“, „რომის აღზევე­ბის და დაცემის მიზეზების გააზრება“.ხელისუფლების დანაწილება დემოკრატიულ სახე­­ლმწიფოებში ძირითადად ორი პრინციპით ხდება, ვერტი­კალურად და ჰორიზონტალურად. ვერტიკალური გულისხმობს, ცენტრალურ, რეგიონალურ, მუნიციპალურ და რაიონულ ხელისუფლებას, ხოლო ჰორიზონტა­ლუ­რი საკანონმდებლო, აღმასრულებელ და სასამართლო ხელი­სუფლებას. სწორი და ეფე­ქტური სახელმწიფო მმართველობის განხორციელება შესაძლებელია მხოლოდ დემოკრატიულ საზოგადოებაში, რაც ასევე ხელს უწყობს მოსახლეობის ნდობის ამაღლებას მმართველი სისტემისადმი და ზრდის მთა­ვ­რობის ლეგიტიმურობის ხარისხს (საჯარო პირებთან ურთი­ერთობის პრობლემა არ ექმნებათ მოქალაქეებს). ადგილო­ბრი­ვი თვითმმართველობის მიზანია გაუმჯობესდეს დეცენტრალიზაციის პროცესი და მიღწეულ იქნას უკე­თესი მმართველობა ადგილობრივ დონეზე.