RETROSPECTIVE OF THE DEVELOPMENT OF SMALL AND MEDIUM-SIZED BUSINESSES IN GEORGIA IN 2009-2023

ანოტაცია

სტატია - „საქართველოს მცირე და საშუალო ბიზნესის განვითარების რეტრო­სპექტივა 2009-2023 წლებში“ - ეძღვნება მცირე და საშუალო სიდიდის საწარმოთა საქმია­ნობის ანალიზს გასულ 15 წელიწადში. ამ პერიოდში მცირე საწარმოთა მიერ ბრუნვა გაზრდილია 25-ჯერ, პროდუქციის გამოშვება 25,8-ჯერ, დამატებული ღირებულება - 27,9-ჯერ, შუალედური მოხმარება 23,6-ჯერ და ა. შ. 3-6-ჯერ გაზრდილია მოგება, ხელფასი, შრომის მწარმოებლურობა და ა. შ.

იგივე მდგომარეობა აღინიშნა საშუალო ბიზენსშიც. პირველ 4-5 ეკონომიკურ მაჩვე­ნებელში, აქაც 16-21-ჯერ ზრდა დაფიქსირდა, დანარჩენი მაჩვენებლები კი გაიზარდა, მაგრამ არა ასეთი დიდი ტემპით.

დარგების მიხედვით როგორც მცირე, ისე საშუალო და ისე მსხვილ რეგისტრი­რებულ და აქტიურ საწარმოთა რაოდენობამ გვიჩვენა, რომ 2023 წელს 4 დარგში აქტიურ საწარმოთა ხვ. წონა 52-67%-ია. ეს დარგებია: ჯანდაცვა, უძრავი ქონების საქმიანობა, ტრანსპორტი და დასაწყობება და ინფორმაცია და კომუნიკაცია.

საკუთრივ აქტიურ მცირე საწარმოთა ხვედრითი წილი 2019-2023 წლებში გაზრ­დილია 21,7%-დან 26,5%-მდე, ხოლო აქტიურ საშუალო საწარმოთა ხვედრითი წილი საქართველოში გაზრდილია 17,9%-დან 20,8%-მდე.