Neutrality as a state The fundamental principle of foreign policy (on the example of Austria)

ანოტაცია

XX-XXI საუკუნეების მიჯნაზე მსოფლიო პოლიტიკის დამახასიათებელ ნიშნად შეიძლება მივიჩნიოთ გლობალიზაციის დაჩქარებული ტემპები, რომელიც შლის ნაციონალურ სახელმწიფოთა საზღვრებს და საერთაშორისო ურთიერთობათა სისტემის კარდინალურ ტრანფორმირებას ახდენს. არსებულ ცვლილებათა კონტექსტში, თავისი მასშტაბით მცირე სახელმწიფოთა საგარეო პოლიტიკური კურის შესწავლა, რომლებსაც შეუძლიათ უსაფრთხოების რეგიონალურ სისტემაში და თანამედროვე მსოფლიოს წინაშე მდგარი რიგი ეკონომიკური, პოლიტიკური და ჰუმანიტარული პრობლემების გადაწყვეტაში თავიანთი წვლილის შეტანა, მეცნიერულ-თეორიული და პრაქტიკული თვალსაზრისით, ცხოველ ინტერესს იწვევს. ერთ-ერთ ასეთ ევროპულ სახელმწიფოს ავსტრიის რესპუბლიკა წარმოადგენს, რომელიც თავისი მდიდარი ისტორიული წარსულის წყალობით, წონადი ეკონომიკური პოტენციალით (ქვეყანა ევროკავშირის ქვეყნებს შორის ერთ-ერთი ლიდერია მოსახლეობის ცხოვრების დონით) და მუდმივი ნეიტრალური საერთაშორისო-სამართლებრივი სტატუსით ევროპულ და მსოფლიო პოლიტიკაში მნიშვნელოვან როლს ასრულებს.