სახელმწიფო ენა და რეფორმა

ანოტაცია

სტატიაში განხილულია თანამედროვე ეტაპზე ქართულ სკოლებში ქართული ენის სწავლების საკითხები. ენათმეცნიერების დარგთაგან ეროვნულ სასწავლო გეგმაში ყველაზე უფრო ვრცლად გრამატიკის საკითხებია წარმოდგენილი. ეს ბუნებრივიცაა, რამდენადაც სწორედ გრამატიკის გააზრებული ცოდნა უდევს საფუძვლად მოსწავლეებში სათანადო ორთოგრაფიული, პუნქტუაციური და სტილისტური ჩვევების ფორმირებას, რაც საბოლოო ჯამში მათი ზეპირი და წერითი მეტყველების დახვეწისაკენ არის მიმართული. თუმცა ეს  სრულიადაც არ ნიშნავს იმას, რომ მოსწავლის ასაკობრივი თავისებურებების გათვალისწინების გარეშე შევიტანოთ მასალა სახელმძღვანელოებში, გადავტვირთოთ ისინი რთული გრამატიკული კატეგორიებით, რომლებიც ხშირ შემთხვევაში თავად ენათმეცნიერებს შორის არის სადავო…უსასრულოდ ვაზეპირებინოთ წესები...  რა ვასწავლოთ და როგორ ვასწავლოთ _ ეს გახლავთ ერთ-ერთი  ძირითადი და აქტუალური საკითხი დღეს ქართული ენის გრამატიკის  სწავლებაში. ფაქტიურად ეს იქნება არა გრამატიკის, არამედ მეტყველების კულტურის გაკვეთილები.