Impact of the Coronavirus Pandemic on the Accounting for Financial Instruments

ანოტაცია

ფინანსური ინსტრუმენტების შესწავლამ, საერთაშორისო სტანდარტებზე დაყრდნობით, დაგვანახა, რომ ფინანსური ინსტრუმენტების როლი და მნიშვნელობა უდიდესია ქვეყნის ეკონომიკის სრულყოფილად ფუნქციონირებისათვის. შესაბამისად კომერციული ბანკები აღრიცხავს ფინანსურ ინსტრუმენტებს საერთაშორისო სტანდარტების დაცვით.  ბასს 39-დან ფასს 9-ზე გადასვლით  „თიბისი ბანკმა“ შეიცვალა ფინანსური ინსტრუმენტების აღიარებისა და შეფასების მეთოდები; ფასს 9-ის გამოყენების შედეგად, „თიბისი ბანკს“ საკრედიტო ზარალი შეუმცირდა, ვინაიდან შეიცვალა შეფასების მეთოდები;  „თიბისი ბანკი“, საერთაშორისო სტანდარტების შესაბამისად,  ყოველთვის განსაზღვრავს მოსალოდნელ საკრედიტო ზარალს.  მუდმივად ახდენს სესხების მონიტორინგს და საჭიროების შემთხვევაში ახდენს მის რეკლასიფიკაციას. სესხს აფასებენ როგორც მოდიფიცირებულს. მოდიფიკაციის შედეგად გამოწვეული სხვაობები აისახება მოგებაში ან ზარალში. 2020 წელს ფინანსური ინსტრუმენტების წმინდა მოდიფიკაციის ზარალი 41,0 მილიონ ლარს უდრიდა.  „თიბისი ბანკში“ ახალ სტანდარტზე გადასვლის შედეგად მთლიანი რეზერვის რაოდენობა გაიზარდა 63 600 ათასი ლარით.  პანდემიის პირობებში მოხდა შესწორებები ფასს-9 -ში. რაც განპირობებულია საორიენტაციო საპროცენტო განაკვეთების შეცვლით, როგორიცაა LIBOR და სხვა ბანკთაშორისი შეთავაზებული განაკვეთები. ასევე დირექტორთა საბჭომ მიიღო გადაწყვეტილება არ გაეცა რეკომენდაცია დივიდენდის შესახებ. 2020 წლის 20 მარტს, თიბისი ლიზინგმა, თიბისი კაპიტალის დახმარებით, განათავსა უზრუნველყოფილი ობლიგაციები 58,4 მილიონი ლარის ოდენობით საქართველოს საფონდო ბირჟაზე.ფასს 9-ის მიხედვით, საკრედიტო რისკების შეფასებისას განსაკუთრებული ყურადღება უნდა დაეთმოს საპროგნოზო ინფორმაციას. კერძოდ, მოსალოდნელი საკრედიტო დანაკარგების შეფასებისას გათვალისწინებულ უნდა იქნეს მაკროეკონომიკური და ფინანსური გარემოს მოსალოდნელი ტენდენციები და ადგილობრივი და გლობალური რისკები. აღნიშნული ხელს შეუწყობს საკრედიტო რისკების დროულ აღრიცხვას და ამდენად პოზიტიური გავლენა ექნება ფინანსურ სტაბილურობაზე.