გლობალური ქიმიური დაბინძურება

ანოტაცია

ქიმიური დაბინძურება გულისხმობს ჩვენი გარემოს დაბინძურებას ქიმიკატებით, რომლებიც იქ ბუნებრივად არ გვხვდება.მსოფლიოს ყურადღება გამახვილებულია პესტიციდებსა და მძიმე მეტალებზე. მიუხედავად იმისა, რომ მძიმე ლითონები ბუნებრივად წარმოქმნილი ელემენტებია, გარემოს დაბინძურება და ადამიანზე ზემოქმედება გამოწვეულია ანთროპოგენური აქტივობებით. საზოგადოების ინფორმირებულობის ნაკლებობა და სამრეწველო ნარჩენების მართვის შეზღუდული შესაძლებლობები ბევრ ქვეყანაში იწვევს მძიმე მეტალების შემცველი პროდუქტებისა და ნარჩენების არასათანადო განკარგვას. არსებობს კონვენცია „შორ მანძილზე   ჰაერის ტრანსსასაზღვრო დამაბინძურებლების შესახებ“ მიზანია, შეამციროს ჰაერის დაბინძურება შემდეგი მძიმე მეტალებით: Hg, Pb, Cd. კიდევ ერთი ქიმიური „ტვირთი“ ბუნებრივი ეკოსისტემისთვის პესტიციდებია. ისინი მეტაბოლიზდება ტოქსიკური ნაერთების გამოყოფით ან ბიოაკუმულირდება სხეულის ცხიმში.ორგანიზმში ხვდებიან ინჰალაციით, პერორულად ან კანიდან.ზოგიერთი მათგანი თითქმის მთელ მსოფლიოში ამოღებულია მოხმარებიდან, მაგალითად DDT. პესტიციდებთან დაკავშირებული დეფექტებიმოიცავს: რეპროდუქციული დაზიანება, იმუნოტოქსიკურობა, ნევროლოგიური და განვითარების ტოქსიკურობა და ენდოკრინული სისტემის მოშლა, სენსორული გაუარესება (მაგ: საკუს დაავადება). მალსის მცხოვრებთა უმეტესობამ 2014 წელს უარი თქვა პესტიციდებზე. ასევე, შემუშავებულია „ნიელენის დეკლარაცია“, რომლის მიხედვით, ყველა ერსა და სახელმწიფოს შეუძლია განსაზღვროს საკუთარი საკვების ხარისხი გარემოს დაბინძრების თავიდან აცილებასთან ერთად. თანამედროვე მსოფლიოს მიზანია პესტიციდების ეკოლოგიური ალტერნატივის შემუშავება.