შემოქმედებითი წერის გამოწვევები და სარგებელი

ანოტაცია

ნაშრომში წარმოგიდგენთ ორ სხვადასხვა კლასში განხორციელებული შემოქმედებით წერის შედეგების ანალიზს. პედაგოგიური პრაქტიკის დროს სტუდენტებმა ერთი და იმავე რესურსის გამოყენებით ჩაატარეს შემოქმედებითი წერის აქტივობა.  რესურსად გამოყენებულ იქნა ქვიშის თეატრის სპექტაკლი, რომელიც შექმნილია გურამ პეტრიაშვილის „წვიმის მოყვარული კაცის“ მიხედვით. მოსწავლეებმა უყურეს სპექტაკლს, გათიშული ხმით, და მხოლოდ გამოსახულებზე დაყრდნობით შექმნეს ტექსტის საკუთარი ვერსია. აღსანიშნავია, რომ სამიზნე კლასების გამოცდილება და აკადემიური მზაობა საკმაოდ განსხვავდებოდა ერთმანეთისაგან. ასევე, აქტივობა განხორციელდა სხვადასხვა პერიოდში. 

პროცესის განხორციელებისა და მოსწავლეთა ნაშრომების ანალიზმა აჩვენა, რომ:

• მზაობისა და გამოცდილების მიუხედავად, ყველა მოსწავლე აქტიურად ჩაერთო პროცესში, შეძლო საინტერესო, ინდივიდუალური ხედვის გამომხატველი ნაშრომების შექმნა; ნაშრომები იყო მრავალფეროვანი; ფაქტობრივად, ყველა ნაშრომში აისახა ტექსტის არსებითი პათოსი: რაღაც ძვირფასის, ამაღლებულის დაკარგვით გამოწვეული ტკივილი;
• გამოცდილებისა და აკადემიური მზაობის განსხვავება აისახა ნაშრომების მოცულობაზე, ტექსტის ორგანიზებაზე, წინადადებების გავრცობისა და სტრუქტურული გამართულობის ხარისხზე, მართლწერის ნორმების დაცვაში;
• ნამუშევრების შინაარსზე გავლენა იქონია განხორციელების პერიოდმა. კლასში, სადაც გაკვეთილი ჩატარდა საზოგადოებრივი აქტიურობის პერიოდში, მოსწავლეებმა გააქტიურეს სამშობლოს დამოუკიდებლობის, თავისუფლების დაკარგვის, პიროვნული და ეროვნული ღირებულებების თემა. 
• შესაბამისი გამოცდილების არმქონე მოსწავლეებთან სტუდენტს დასჭირდა ფსიქოლოგიური ბარიერების გადალახვაზე ზრუნვა, რასაც წარმატებით გაართვა თავი მხარდაჭერისა და წახალისების სტრატეგიების გამოყენებით. 

დასკვისთვის ვიტყვით, შემოქმედებითი ტიპის დავალებები საკლასო პრაქტიკის განუყრელი ნაწილი უნდა იყოს, რადგან: 

• ასეთი დავალებები ეხმარება მოწავლეებს თვითგამოხატვაში, ავითარებს პიროვნულად. 
• გვაწვდის საყურადღებო ინფორმაციას მოსწავლეთა შინაგანი სამყაროს, ღირებულებების, წუხილებისა და მისწრაფებების შესახებ.
• მათი შესრულება ხელეწიფება ფაქტობრივად ყველა მოსწავლეს,  თუ გამოვიყენებთ მათ საჭიროებებზე მორგებულ სტრატეგიებსა და აქტივობებს;